مملكة شعرك قصيدة // لشاعرة نـــســـــايــــم الساده
كتبهاوقت الرحيل ، في 28 مارس 2007 الساعة: 16:55 م
مملكة شعرك
تعال اسمع تلاحيني وشعري وحشرجـات سطـور
تعال اسكن مكان الدمع وشف لك دور فـي عينـي
أنا أسمع بعض صمتك وصمتك لي صدى جمهـور
تضـجّ بناظـري دمعـه تزلـزل كـل شراييـنـي
تعال اقطع حوار الصمت وعطّر شوقنـا المهجـور
تعـال اسكـن مكـان الحلـم تحمّـل لا تصحينـي
أجيـك لمملكـة شِعـرك وكنـي عبـدك المأمـور
أجيـك بْكـل تفاصيلـي وسـؤالٍ حايـرٍ فيـنـي
تجي مثل الطفل ساعه.. وساعه ياااا لطيـف تثـور
تكلم.. انتظر.. لحظـه.. عسـاه الوقـت يمدينـي
علامك سارح بفكرك تـروح بـلا رجـا أو شـور؟
وانا اشرب من هذاك الصمت وبعض الصمت يرويني
تقول من الغلا كنـك أخـذت مـن الغـلا دستـور
على طاري الغلا بسـأل: بعـدْه القلـب مغلينـي؟؟
بعدْه الصبـح متوَلّـه لفنجانـي وبعـض عطـور؟
بعدهـا (جـارة الـوادي) دليـل لكـل عناوينـي؟
(صباح الخيـر يالغالـي) يرددهـا هـذاك السـور
على خد الولـه دمعـه تجيـك بشـوق وتجينـي
تدللني علـى كيفـك وتجبـر خاطـري المكسـور
تضيّفنـي وسـط قلبـك ونبضـاتـك تقهويـنـي
إذا صار الهوى لعبه.. تـرا لـي بمسرحيتـك دور
وإذا لي بمركبـك حاجـه.. بأيـة حـال رسّينـي
على غنوة (أعز الناس).. وغنوَتنا (يا بنت النـور)
تذكـر دفتـري لاحمـر واسمـك فـي دواوينـي
تذكر بسمتي بمقطع ( يا عِقد مْـن الوَلـه منثـور)
وانا انثر من بعض بوحي كـأن الشـوق معمينـي
تمنى وانتظـر وقـتٍ صعـب تتوَسلـه.. مغـرور
وتتذكـر هـذاك الـود.. ونبضاتـي.. وتلاحينـي
تعال لمملكة شعري.. وشـوف الفـرق والجمهـور
ملاييـن الوجـوه إنـت.. وهـذا بـس يكفيـنـي
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
